Parashihen lehtësira tjera fiskale për bizneset

Qeveria ende nuk e ka përfunduar pakon e re fiskale. Por, tashmë, është hartuar lista e produkteve që do të jenë pjesë e pakos, e cila do të diskutohet edhe në këshillin kombëtar për zhvillim ekonomik.

Zëvendëskryeministrja Mimoza Kusari Lila, tha për Radio Kosovën se në listë janë lirimi i lëndës së parë, ambalazhit dhe materialit tjetër që hyn në procesin e përpunimit, por jo edhe përshkallëzimi i TVSH-së.

Gjatë këtij viti parashihen lehtësira tjera fiskale për bizneset në Kosovë. Zëvendëskryeministra e Ministre e Tregtisë dhe Industrisë, Mimoza Kusari Lila, tha se pakoja e re fiskale është duke u diskutuar, dhe tashmë është përpiluar edhe lista, që përfshin lirimin e lëndës së parë, ambalazhit dhe materialit tjetër që hyn në procesin e përpunimit.

“Ne e kemi këtë edhe pjesë të diskutimit në Këshillin Nacional për Zhvillim Ekonomik. Brenda këtyre javëve do të bëhet edhe diskutimi i parë i hapur me përfaqësuesit e institucioneve në prezantimin e listës. Ata veç janë të informuar për produktet e para që do të jenë pjesë e kësaj pakoje”, sqaron Kusari Lila.

Por, në pakon e re nuk parashihet të jetë përshkallëzimi i Tatimit në Vlerë të Shtuar (TVSH), thotë Kusari-Lila:

“Nuk është në fazën afatshkurtër, një ide ka qenë që ka nevojë për kapacitete shtesë për përshkallëzimin e TVSH-së. Përshkallëzimi i TVSH-së nuk ka qenë një prej temave shumë të favorshme edhe nga përfaqësuesit e institucioneve ndërkombëtare”.

Përfaqësuesit e komunitetit të biznesit e mirëpresin pakon e re fiskale. Kryetari i Aleancës Kosovare të Biznesit, Agim Shahini, thotë se kjo është në favor të përmirësimit të mjedisit afarist, por, sipas tij, përshkallëzimi i TVSH-së do të ishte në dobi edhe të konsumatorëve.

Ndryshe, TVSH-ja në Kosovë është 16 për qind dhe lineare për të gjitha produktet.

E-mailSavePrintPdfComments: 0

Komento

EmriE-mail

Shkruaj kodin

Komenti500 Karakteriniz kaldi

Rregullat për komente

1. Ju lutemi që të bëni përpjekje që komenti i juaj të përkoj me artikullin në fjalë.
2. Gjatë komentimit ju lutemi që ti kushtoni kujdes edhe drejtshkrimit dhe gjuhës letrare.
3. Gjithmonë mundohuni që të përdorni një stil më të butë.
4. Nëse nuk i përmbaheni rregullave të sipërpërmendura atëherë redaktori i ueb faqes ka të drejtë që të mos e botoj komentin tuaj.