AKP-ja merr 'Grandin', dëbon ish-blerësin

Agjencia Kosovare e Privatizimit ka marrë përfundimisht nën menaxhimin e saj hotelin “Grand”, të privatizuar gjashtë vjet më parë. Të hënën AKP-ja ka dëbuar nga hoteli ish-blerësin e  kësaj ndërmarrjeje, Zelqif Berisha, duke vendosur në hyrje të hotelit personelin e sigurimit që të mos e lejonte hyrjen e askujt në këtë objekt.

AKP-ja pos që ka marrë nën menaxhim 100 për qind të aksioneve të kësaj ndërmarrjeje, ka rikthyer këtë pronë, të cilën disa vite më parë Berisha e kishte regjistruar në emër të vetin në kadastrën e Komunës së Prishtinës.

Berisha, që të hënën ishte ulur jashtë hotelit “Grand” për t’i pritur mediat, tha se i kanë mbetur vetëm rrugët ligjore për të rikthyer pronën që pretendon se është bërë e tija pas privatizimit të saj. Ai thotë se nuk do të heqë dorë nga kjo pronë që në orët e hershme të mëngjesit është vërshuar nga punëtorët e AKP-së nën mbështetje të policisë.

“Nuk më kanë njoftuar se do të ma uzurpojnë në këtë mënyrë. Nuk di pse AKP-ja po i frikësohet ligjit. As në Somali nuk bëhet kështu. Derisa të vendosë gjykata unë jam pronar i hotelit ‘Grand’, nuk lëshoj pe”, tha të hënën ish-blerësi i hotelit Berisha.

E-mailSavePrintPdfComments: 0

Komento

EmriE-mail

Shkruaj kodin

Komenti500 Karakteriniz kaldi

Rregullat për komente

1. Ju lutemi që të bëni përpjekje që komenti i juaj të përkoj me artikullin në fjalë.
2. Gjatë komentimit ju lutemi që ti kushtoni kujdes edhe drejtshkrimit dhe gjuhës letrare.
3. Gjithmonë mundohuni që të përdorni një stil më të butë.
4. Nëse nuk i përmbaheni rregullave të sipërpërmendura atëherë redaktori i ueb faqes ka të drejtë që të mos e botoj komentin tuaj.