Dürüst İlkeli Anında Haber - KOSOVAHABER

E Hënë, 21 Tetor 2019

Gjendet edhe një trup i pajetë në lumin Ibër

E Marte 28 Prill 2015 15:54

Një trup i pajetë i një personi është gjetur ditën sot në lumin Ibër. Lajmin e ka konfirmuar për Radion Evropa e Lirë, shefi i operativës së Policisë së Kosovës për rajonin e veriut, Zheljko Bojiq.

“Rreth orës 13, në lumin Ibër, afër fshatit Rudare, është gjetur një trup i pajetë i gjinisë mashkullore, nga ana e ekipit për shpëtim dhe zhytësit. Ekipet e hetimit menjëherë kanë dalë në vendin e ngjarjes, përfshirë edhe ekipin e forenzikës, si dhe kolegët nga mjekësia ligjore, të cilët e kanë marrë trupin për obduksion dhe për të vërtetuar identitetin”, ka thënë Bojiq.

Ai ka theksuar se nuk mund të flasin asgjë për identitetin e viktimës, përderisa këtë nuk e përcaktojnë zyrtarisht zyrtarët e mjekësisë ligjore.

Ndryshe, edhe gjatë ditës së hënë, në lumin Ibër është gjetur trupi i pajetë i një personi, identiteti i të cilit ende nuk është bërë i ditur nga organet e rendit.

Në 15 ditët e fundit, nga lumi Ibër janë nxjerrë tre trupa të pajetë. 

Komento

500 Karakteriniz kaldi

Rregullat për komente

  1. Ju lutemi që të bëni përpjekje që komenti i juaj të përkoj me artikullin në fjalë.
  2. Gjatë komentimit ju lutemi që ti kushtoni kujdes edhe drejtshkrimit dhe gjuhës letrare.
  3. Gjithmonë mundohuni që të përdorni një stil më të butë.
  4. Nëse nuk i përmbaheni rregullave të sipërpërmendura atëherë redaktori i ueb faqes ka të drejtë që të mos e botoj komentin tuaj.