Dürüst İlkeli Anında Haber - KOSOVAHABER

E Enjte, 24 Tetor 2019

Veteranët sot japin detaje rreth protestës në Kaçanik

E Premte 19 Qershor 2015 10:15

Këshilli organizativ i protestës të veteranëve të UÇK-së në një konference për media pritet të jap detaje rreth protestës e cila do të mbahet të shtunën në Kaçanik.

Udhëheqësi i Këshillit për Mbrojtjen e Veteranëve të UÇK-së, Xhevdet Qeriqi, ka konfirmuar për KosovaPress, ditë më parë se veteranët do të bllokojnë magjistralen Kosovë – Maqedoni dhe se protesta po organizohet nga përfaqësuesit e veteraneve të komunës së Kaçanikut.

Qeriqi se Këshilli i ka dhënë mbështetje të plotë kësaj proteste duke theksuar se publikimi i listave po vonohet qëllimshëm dhe tashmë nuk mund të presin.

“Protesta organizohet në mes të Kaçanikut dhe Hanit të Elezit të shtunën duke nisur nga ora 12:00 dhe do të zgjasë plotë 24 orë. Ka qenë kërkesa e veteranëve të Kaçanikut edhe e kemi përkrahur sepse edhe ne kemi bërë përgatitjet për një protestë të ardhshme në Prishtinë për arsye se po vonohen qëllimshëm listat e veteranëve. Kanë kaluar tri vite dhe është dashur të përfundojnë më shpejtë mirëpo janë politizuar si komision. Sikur të kishin qenë serioz, ky proces do të ishte mbyllur brenda javës”, tha Qeriqi për KosovaPress.

Të bllokuar nuk do të jenë qytetarët që me veturat e tyre do kalojnë nëpër këtë rrugë, por kamionët me mallra që do të vijnë nga Maqedonia.

Krejt kjo sipas Qeriqit, është vendim i veteranëve të Kaçanikut. /Telegrafi/

Komento

500 Karakteriniz kaldi

Rregullat për komente

  1. Ju lutemi që të bëni përpjekje që komenti i juaj të përkoj me artikullin në fjalë.
  2. Gjatë komentimit ju lutemi që ti kushtoni kujdes edhe drejtshkrimit dhe gjuhës letrare.
  3. Gjithmonë mundohuni që të përdorni një stil më të butë.
  4. Nëse nuk i përmbaheni rregullave të sipërpërmendura atëherë redaktori i ueb faqes ka të drejtë që të mos e botoj komentin tuaj.