Dürüst İlkeli Anında Haber - KOSOVAHABER

E Diel, 18 Gusht 2019

Për 6 muaj në Shqipëri hynë 361 mijë kosovarë e 620 mijë të huaj

E Mërkurë 29 Korrik 2015 13:42

Të shumtë kanë qenë shqiptarët nga Kosova, apo nga trojet e tjera kombëtare, që kanë hyrë këtë vit në Shqipëri, kryesisht për turizëm, por edhe për biznes apo veprimtari të tjera.

Sezoni ende nuk ka mbaruar, të paktën jo deri në fund të gushtit, por fluksi i vizitorëve është dukshëm i lartë qysh tani.

Sipas të dhënave nga Dogana shqiptare shifrat e deritanishme, referuar një bilanci gjashtëmujor flasin për një rritje të numrit të turistëve të huaj dhe nga Kosova që kanë hyrë në Shqipëri.

Edhe Drejtori i Doganës së Morinës, Edvin Kepi konfirmoi për Kosovapress se sivjet ka më shumë turistë që kanë hyrë përmes pikave të kalimit kufitar.

Të paktën sipas të dhënave krahasuese të gjashtëmujorit të këtij viti me atë të vitit të kaluar nga statistikat rezulton se në Shqipëri kanë hyrë këtë vit rreth 5 mijë shtetas të Kosovës më shumë se në të njëjtën periudhë të vitit të mëparshëm, dhe kjo përmes pikës së kalimit kufitar të Morinës.

Bëhet fjalë për shtetas që jetojnë në Kosovë, por edhe që vijnë nga diaspora, dhe që mund të kenë marrë nënshtetësi tjetër (Gjermani, Zvicër etj).

Referuar të njëjtave të dhëna nga Dogana shqiptare, në vitin 2014 për gjashtëmujorin e parë të vitit kishte 356 mijë e 320 shqiptarë, ndërsa shtetas të huaj 491 003; ndërkohë në vitin 2015 për gjashtëmujorin e parë numërohen; 361, 101 shqiptarë (nga Kosova dhe vendet e tjera) ose 4781 shtetas më shumë, ndërsa të huaj 620 mijë e 109 ose 129 mijë e 106 shtetas më shumë.

“Këto janë të dhënat e fundit krahasuese të dy gjashtëmujorëve,” thonë ekspertë të doganës shqiptare. Zakonisht me përfundimin e muajit të Ramazanit, nisin edhe radhët e gjata në pikën kufitare të Morinës. Shtetasit kosovarë i drejtohen Shqipërisë për të kaluar pushimet e tyre verore dhe për të përballuar fluksin në dogana, çdo verë, sidomos në muajt korrik-gusht, vihen në dispozicion sportele shtesë për të shmangur radhët.

Sipas të dhënave nga Dogana ndodh që brenda 24 orëve në pikën kufitare në Morinë të hyjnë deri në 10 mijë shtetas, të cilët destinacion kryesor kanë bregdetin shqiptar. Kjo ndodh zakonisht në periudhën 15 korrik deri më 15 gusht.

Komento

500 Karakteriniz kaldi

Rregullat për komente

  1. Ju lutemi që të bëni përpjekje që komenti i juaj të përkoj me artikullin në fjalë.
  2. Gjatë komentimit ju lutemi që ti kushtoni kujdes edhe drejtshkrimit dhe gjuhës letrare.
  3. Gjithmonë mundohuni që të përdorni një stil më të butë.
  4. Nëse nuk i përmbaheni rregullave të sipërpërmendura atëherë redaktori i ueb faqes ka të drejtë që të mos e botoj komentin tuaj.