Dürüst İlkeli Anında Haber - KOSOVAHABER

E Hënë, 21 Tetor 2019

Terri energjetik vazhdon

E Hënë 31 Gusht 2015 13:47

Vazhdojnë edhe sot problemet e furnizimit me energji elektrike në mbarë Kosovën, për shkak se ende nuk është mundur të riaktivizohet bllokut 1 i Termocentralit “Kosova B. Zyrtarë të KEDS-it thonë se presin që gjatë ditës të rikthehet në prodhim dhe furnizimi të stabilizohet.

Termocentrali nuk është kthyer në prodhim ende edhe pse ishte paralajmëruar se do të kthehej mbrëmë, prandaj problemet e furnizimit po vazhdojnë edhe sot.
Drejtori i shërbimeve në KEK, Edmond Nulleshi, ka thënë se presin rikthimin e bllokut në punë deri në orën 14.
Edhe zëdhënësi i KEDS-it, Guri Shkodra, shprehu optimizmin se sot do të stabilizohet furnizimi me energji elektrike. “Ne nga KEK jemi informua se sot pritet të kthehet njësia B1 që ishte planifikuar të kthehet të shtunën në mbrëmje edhe po shpresojmë se sot përfundimisht do të bëhet rikthimi në punë I kësaj njësie dhe gjendja me furnizim do të stabilizohet”, tha ai, raporton radio Kosova.

Shkodra, pranoi se në rastet e mungesës së pa-planifikuar të energjisë elektrike është vështirë të gjendet rryma në rajon për të importuar. Megjithatë, ai tha se nuk është përgjegjësi e KEDS importimi emergjent.

“Por është përgjegjësi e operatorit tjetër të energjisë elektrike. Sidoqoftë për shkak të disa përkufizimeve politike që I janë imponuar Kosovës, ky proces nuk ka mund të zhvillohet më herët. Por shpresojmë se me anëtarësimin e plotë të KOSTT-it në ENTSO-E, KOSTT do të vazhdojë të performojë ashtu si duhet. Në fakt është edhe mbulimi I devijimeve që ndodhin gjatë ditës, si devijimet e ditëve të fundit”, theksoi Shkodra.

Ai tha se ekipet e zyrës së tregtisë në KEDS, janë duke punuar pandërprerë për të gjetur energji elektrike në rajon. /Telegrafi/

Komento

500 Karakteriniz kaldi

Rregullat për komente

  1. Ju lutemi që të bëni përpjekje që komenti i juaj të përkoj me artikullin në fjalë.
  2. Gjatë komentimit ju lutemi që ti kushtoni kujdes edhe drejtshkrimit dhe gjuhës letrare.
  3. Gjithmonë mundohuni që të përdorni një stil më të butë.
  4. Nëse nuk i përmbaheni rregullave të sipërpërmendura atëherë redaktori i ueb faqes ka të drejtë që të mos e botoj komentin tuaj.