Dürüst İlkeli Anında Haber - KOSOVAHABER

E Marte, 25 Qershor 2019

Mahir Yağcılar: Zhvilluam takimet e para me PDK-në dhe Koalicionin 'opozitar'

E Mërkurë 11 Qershor 2014 12:04

Kryetari i Partisë Demokratike Turke të Kosovës, Mahir Yagcilar në një intervistë për Kosovahaberin ka bërë të ditur se tashmë janë zhvilluar takimet e para me PDK-në dhe Koalicionin 'opozitar' për të diskutuar mundësitë për formimin e qeverisë. Yagcilar ka theksuar se në plan të parë janë interesat e komunitetit turk dhe se ato mund të mbrohen me një pozitë ministrore dhe të zëvendësministrave.

Kosovahaber: LDK, AAK dhe Nisma kanë nënshkruar koalicion për formimin e qeverisë. Ka komente të ndryshme. Cili është qëndrimi juaj?

Mahir Yağcılar: Pa certifikimin e rezultateve nuk mund të flas shumë. Pasi presidentja të mandatoj njërën parti për krijimin e qeverisë kjo çështje mund të jetë më e qartë. Natyrisht në demokracitë mund të ndodh edhe kjo, megjithëse këtë e shoh pak si të ngutshme. Duhet të presim rezultatet zyrtare dhe nuk ka nevojë për kaq nxitim. Qeveria e re që duhet të krijohet duhet të jetë stabile, që ta çoj Kosovën përpara. Republika e Kosovës duhet të ec me hapa më të shpejtë drejt integrimit në BE. 

Kosovahaber: Sipas rezultateve preliminare KDTP do të përfaqësohet me 2 deputetë në Kuvendin e Kosoës. Duke qenë se bëhet fjalë për një parti komunitare ekziston domosdoshmëria për të qenë pjesë e koalicionit. Rezultatet ende nuk janë certifikuar, por a keni pas ofertë nga cilado parti për koalicion?

Mahir Yağcılar: Janë zhvilluar disa takime, kemi zhvilluar takimet e para si me PDK-në ashtu edhe me Koalicionin 'opozitar'. Ashtu si e kemi cekur edhe para zgjedhjeve qëllimi ynë është që të jemi pjesë e qeverisë, dhe arsyeja për këtë është se duam t'i mbrojmë interesat e komunitetit turk të Kosovës dhe të përkrahim popullatën tonë. Krijimi i pushtetit të shumicës është në duart e partive të mëdha dhe në kërkojmë që të jemi pjesë e pushtetit duke përdorur të drejtat tona kushtetuese dhe fuqinë politike që kemi. Pasi të qartësohet konjuktura e parlamentit atëherë mund të flasim më konkretisht për këtë çështje.

Kosovahaber: Sa i përket koalicionit, si KDTP a keni ndonjë preferencë apo vija të kuqe?

Mahir Yağcılar: Siç e thashë ne dëshirojmë që të jemi pjesë e qeverisë. Interesat e komunitetit turk të Kosovës dhe të votuesve tanë përcaktojnë edhe preferncat dhe vijat tona të kuqe. Çështjet më të rëndësishme për ne janë zhvillimi i Kosovës, të drejtat e pjesëtarëve të komunitetit turk dhe marrëdhëniet Kosovë- Turqi.

 
Kosovahaber: Për të qenë pjesë e koalicionit cilat janë kërkesat tuaja minimale?

Mahir Yağcılar: Mbrojtja e interesave të komunitetit turk të Kosovës. Mendojmë se këto mund t'i realizojmë duke u përfaqësuar në qeveri me një post ministror dhe të zëvendësministrave. Natyrisht edhe pjesëmarrja në institucionet shtetërore dhe përfaqësitë diplomatike, punësim, pastaj krijimi i qendrave kulturore, botimi i të gjitha librave shkollorë, të drejtat gjuhësore dhe sigurimi i vlerave fetare tona tradicionale.

 

Komento

500 Karakteriniz kaldi

Rregullat për komente

  1. Ju lutemi që të bëni përpjekje që komenti i juaj të përkoj me artikullin në fjalë.
  2. Gjatë komentimit ju lutemi që ti kushtoni kujdes edhe drejtshkrimit dhe gjuhës letrare.
  3. Gjithmonë mundohuni që të përdorni një stil më të butë.
  4. Nëse nuk i përmbaheni rregullave të sipërpërmendura atëherë redaktori i ueb faqes ka të drejtë që të mos e botoj komentin tuaj.