Dürüst İlkeli Anında Haber - KOSOVAHABER

E Premte, 22 Nëntor 2019

Mësimdhënësit pritet t’i marrin të enjten pagat me rritje

E Marte 28 Prill 2015 15:32

Ministri i Arsimit, Arsim Bajrami dhe zëvendësministri i Financave, Agim Krasniqi, kanë mbajtur sot një konferencë lidhur me marrjen e 0.5 përqindëshit për mësimdhënësit.

Ministri Bajrami ka thënë se ka ndodhur një problem në kalkulimin e pagave, por që nesër do të rregullohet. “I ftoj drejtorët e të gjitha shkollave që nesër të gjithë të jenë në shkolla. Është bërë një problem në kalkulimin e pagave por ai menjëherë është rregulluar. Ju bëjë ftesë përfaqësuesve të sindikatës që të vazhdojnë partneritetin me Ministrinë e Arsimit”, ka thënë ai.

Bajrami ka kërkuar që mësimdhënësit të mos paragjykojnë dhe t`i shikojnë listat e pagave në mënyrë që të mos dëmtohen nxënësit.

Zëvendësministri i financave, Agim Krasnqi, ka thënë se me sindikatat janë sqaruar që pagat do të dalin në fund të muajit prill. “Ne i kemi sqaruar sindikatës që pagat e këtij muaji do të dalin në fund të prillit duke përfshirë masën me rritje. Në pagën bazë do të kalkulohet 0.5%. Të enjten do të procedohen pagat”, theksoi Krasniqi. /Telegrafi/

Komento

500 Karakteriniz kaldi

Rregullat për komente

  1. Ju lutemi që të bëni përpjekje që komenti i juaj të përkoj me artikullin në fjalë.
  2. Gjatë komentimit ju lutemi që ti kushtoni kujdes edhe drejtshkrimit dhe gjuhës letrare.
  3. Gjithmonë mundohuni që të përdorni një stil më të butë.
  4. Nëse nuk i përmbaheni rregullave të sipërpërmendura atëherë redaktori i ueb faqes ka të drejtë që të mos e botoj komentin tuaj.