Konfirmohet bashkëpunimi i gjithanshëm me Turqinë

Presidentja Jahjaga dhe delegacioni i Parlamentit të Turqisë, që kryesohej nga Volkan Bozkir, biseduan për forcimin e shtetësisë së Republikës së Kosovës, për rolin e Turqisë në konsolidimin ndërkombëtar të Kosovës dhe anëtarësimin e saj në nismat dhe organizatat rajonale dhe ato ndërkombëtare

Jahjaga theksoi se Kosova dhe Turqia kanë interesin e përbashkët të integrimit në BE dhe ato mund të shkëmbejnë përvojat e tyre në proceset integruese.

Ndërsa, kryetari i komitetit për Punë të jashtme, në Parlamentin e Madh të Turqisë, Volkan Bozkir e siguroi presidenten Jahjaga se institucionet e Turqisë, do të vazhdojnë ta mbështesin Kosovën e në veçanti në lobimin për njohje të reja ndërkombëtare.

Ai tha se është më rëndësi fuqizimi i bashkëpunimit në të gjitha fushat.

Delegacionin e Komisionit për Punë të Jashtme të Parlamentit të Madh të Turqisë, e ka pritur edhe ministri i Punëve të Jashtme të Kosovës, Enver Hoxhaj.

Hoxhaj ka njoftuar delegacionin turk për progresin e vazhdueshëm që po realizohet në Kosovë, reformat e fuqishme dhe perspektivën evropiane të Republikës së Kosovës.

Ministri Hoxhaj po ashtu ka theksuar përkushtimin e Kosovës për thellimin e bashkëpunimit me Republikën e Turqisë, në të gjitha fushat, duke falënderuar politikën konsistente të Turqisë në përkrahje të Kosovës, tash e shumë vjet më parë.

Sa i përket njohjeve, ministri Hoxhaj ka kërkuar vazhdimin e përkrahjes nga Ankaraja për përmbylljen sa më të shpejt të këtij procesi për shtetin e Kosovës. /Telegrafi/

E-mailSavePrintPdfComments: 0

Komento

EmriE-mail

Shkruaj kodin

Komenti500 Karakteriniz kaldi

Rregullat për komente

1. Ju lutemi që të bëni përpjekje që komenti i juaj të përkoj me artikullin në fjalë.
2. Gjatë komentimit ju lutemi që ti kushtoni kujdes edhe drejtshkrimit dhe gjuhës letrare.
3. Gjithmonë mundohuni që të përdorni një stil më të butë.
4. Nëse nuk i përmbaheni rregullave të sipërpërmendura atëherë redaktori i ueb faqes ka të drejtë që të mos e botoj komentin tuaj.