Dürüst İlkeli Anında Haber - KOSOVAHABER

E Premte, 22 Nëntor 2019

Nikoliq kërkoi nga Ban Ki-moon të pengojë pranimin e Kosovës në UNESCO

E Mërkurë 30 Shtator 2015 10:34

Presidenti i Serbisë, Tomisllav Nikoliq ka kërkuar mbështetjen e sekretarit të përgjithshëm të Kombeve të Bashkuara Ban Ki-moon për pengimin e pranimit të Kosovës në UNESCO.

Siç raportojnë mediet serbe, ai është takuar dje me sekretarin e përgjithshëm të KB, Ban Ki-moon, dhe sipas këtij burimi gjatë takimit ata janë pajtuar se shkatërrimi i trashëgimisë kulturore serbe në Kosovë do të ishte një krim dhe se kjo nuk duhet të lejohet, transmeton Koha.net.

Nikoliq ka kërkuar mbështetjen nga sekretari Ban të pengohet pranimi i Kosovës në UNESCO.

“Do të ishte një krim i madh nëse do të shkatërrohej trashëgimia kulturore serbe në Kosovë e Metohi”, citon Tanjugu të ketë thënë presidenti serb Nikoliq. ”Prandaj Serbia po bën përpjekje të mëdha që të pengojë pranimin e Kosovës në UNESCO. Prandaj presim mbështetjen e të gjithë atyre që punojnë me ndërgjegje që trashëgimia kulturore serbe, që njëherësh është edhe botërore, të mbrohet”, theksohet se i ka thënë Nikoliqi sekretarit Ban gjatë takimit të djeshëm me të në New York.

Sipas medieve serbe Ban Ki-moon është pajtuar me presidentin serb Nikoliq se shkatërrimi i trashëgimisë serbe në Kosovë do të ishte një krim i tmerrshëm dhe se kjo nuk duhet të lejohet.

Po sipas medieve serbe, Nikoliq ia ka prezantuar sekretarit Ban dokumentet të cilat arsyetojnë kundërshtimin e pranimit të, siç citohet të ketë thënë ai, ashtuquajturës “Republikë e Koasovës në UNESCO dhe me këtë rast ia ka dhuruar librin “Trashëgimia e krishter ë në Kosovë e Metohis – atdheut historik dhe shpirtëror të popullit serb”, dhe si dhe dy filma autentik mbi shkatërrimin e pandëshkuar të asaj trashëgimie.

Në raportimet e medieve serbe thuhet se sekretari Ban ka uruar Serbinë për kontributin e madh në stabilizimin e situatës në rajon.
 

 

Komento

500 Karakteriniz kaldi

Rregullat për komente

  1. Ju lutemi që të bëni përpjekje që komenti i juaj të përkoj me artikullin në fjalë.
  2. Gjatë komentimit ju lutemi që ti kushtoni kujdes edhe drejtshkrimit dhe gjuhës letrare.
  3. Gjithmonë mundohuni që të përdorni një stil më të butë.
  4. Nëse nuk i përmbaheni rregullave të sipërpërmendura atëherë redaktori i ueb faqes ka të drejtë që të mos e botoj komentin tuaj.