Dürüst İlkeli Anında Haber - KOSOVAHABER

E Enjte, 04 Qershor 2020

Sot afati i dytë i provimit të maturës

E Shtunë 31 Gusht 2013 09:40

Rreth 11 mijë maturantë që nuk e kanë kaluar provimin shtetëror të maturës në afatin e parë, do të hyjnë në test sot në pjesën e parë dhe më 7 shtator në pjesën e dytë të testit.

Zyrtarë të Ministrisë së Arsimit thonë se janë bërë të gjitha përgatitjet, ku edhe u bë e ditur se do të ketë disa ndryshime në ligjin e maturës shtetërore.

Afati i dytë i provimit shtetëror të maturës do të mbahet sot nën administrimin e anëtarëve të përcaktuar nga Komisioni Qendror Shtetëror i Maturës dhe anëtarë nga tri universitetet publike, të cilët do të monitorojnë këtë proces. Udhëheqësi i Divizionit për Vlerësim, Standarde dhe Monitorim në Ministrinë e Arsimit, Mustafë Kadriu, tha për Radio Kosovën, se janë bërë të gjitha përgatitjet që ky test të mbahet në përputhje me planifikimin e bërë.

“Ne këmi pasur një takim me drejtoritë komunale të arsimit, të cilët janë të gatshëm të kontribuojnë që ky proces të shkojë si duhet. E njëjta procedurë do të jetë edhe më 7 shtator.”

Kadriu theksoi se edhe në afatin e dytë të provimit të maturës do të ketë një kalueshmëri të kënaqshme, pasi maturantët kanë pasur kohë për një përgatitje më të mirë. 

Komento

500 Karakteriniz kaldi

Rregullat për komente

  1. Ju lutemi që të bëni përpjekje që komenti i juaj të përkoj me artikullin në fjalë.
  2. Gjatë komentimit ju lutemi që ti kushtoni kujdes edhe drejtshkrimit dhe gjuhës letrare.
  3. Gjithmonë mundohuni që të përdorni një stil më të butë.
  4. Nëse nuk i përmbaheni rregullave të sipërpërmendura atëherë redaktori i ueb faqes ka të drejtë që të mos e botoj komentin tuaj.