Dürüst İlkeli Anında Haber - KOSOVAHABER

E Enjte, 04 Qershor 2020

Sot, provimi pranues në UP “Hasan Prishtina”

E Hënë 21 Korrik 2014 11:08

Sot, prej orës nëntë do të mbahet provimi pranues në të gjitha fakultetet në Universitetin e Prishtinës “Hasan Prishtina”, përveç në Fakulteti i Inxhinierisë Elektrike dhe Kompjuterike dhe Fakulteti in Inxhinierisë Mekanike ku do të fillojë në orën 11. Ndërkaq në atë të Mjekësisë dhe në Fakultetin Ekonomik, provimi pranues do të mbahet nesër prej orës nëntë.

Sipas konkursit, shpallja e rezultateve të provimit pranues do të bëhet më së voni më datën 25 korrik.

Universiteti i Prishtinës, në vitin e parë të studimeve, në afatin e parë të konkursit për vitin akademik 2014-2015, do të regjistrojë 10054 studentë, prej të cilëve 8294 studentë të rregullt dhe 1760 studentë me korrespondencë.

Si shtesë e numrit si më sipër, Universiteti do të regjistrojë edhe 326 studentë të rregullt nga Shqipëria, Maqedonia, Mali i Zi, Presheva, Bujanoci dhe Medvegja, 40 studentë të rregullt nga diaspora, 15 studentë të rregullt shtetas të huaj, si dhe 458 studentë nga komunitetet jo-shumicë: boshnjakë, turq, romë, ashkali, egjiptianë dhe të tjerë.

Në programet ku nuk janë paraparë kuota të veçanta për kandidatë nga Shqipëria, Maqedonia, Mali i Zi, Presheva, Bujanoci dhe Medvegja, kandidatët kanë të drejtë konkurrimi në kushte të njëjta me kandidatët nga Kosova.

Prej këtij viti, Qeveria e Kosovës ka marrë vendimin që çdo i regjistruar në Universitetet Publike në vitin e parë akademik do të studiojë falas. /Telegrafi/

Komento

500 Karakteriniz kaldi

Rregullat për komente

  1. Ju lutemi që të bëni përpjekje që komenti i juaj të përkoj me artikullin në fjalë.
  2. Gjatë komentimit ju lutemi që ti kushtoni kujdes edhe drejtshkrimit dhe gjuhës letrare.
  3. Gjithmonë mundohuni që të përdorni një stil më të butë.
  4. Nëse nuk i përmbaheni rregullave të sipërpërmendura atëherë redaktori i ueb faqes ka të drejtë që të mos e botoj komentin tuaj.