Dürüst İlkeli Anında Haber - KOSOVAHABER

E Premte, 14 Maj 2021

Pa radikalizim në Deçan dhe Gjakovë

E Mërkurë 12 Gusht 2015 20:18

Ministri i Punëve të Brendshme, Skender Hyseni, gjatë ditës së sotme ka vizituar komunën e Deçanit dhe Gjakovës, njofton kumtesa ministrore.

Ai u prit nga kryetari i komunës së Deçanit Rasim Selmanaj dhe ata bashkërisht diskutuan lidhur me çështjen e sigurisë në përgjithësi në komunën e Deçanit, përfshirë radikalizmin e shoqërisë, migrimin ilegal dhe çështjet e ndërhyrjes emergjente nga shërbimi i zjarrfikësve.

Kryetari i Deçanit, Rasim Selmanaj, bëri të ditur se kryesisht nuk ka ndonjë shqetësim për deçanasit lidhur me çështjen e sigurisë.
Sa i përket temës lidhur me ekstremizmin fetar, në këtë takim, u tha se në përgjithësi banorët e kësaj ane nuk janë të radikalizuar.
Ministri Skender Hyseni gjithashtu takoi edhe përfaqësuesit e Këshillit Komunal për Siguri në Bashkësi të kësaj komune.


Pas vizitës në Deçan, ministri Hyseni vazhdoi vizitën e tij për në komunën e Gjakovës, ku u prit nga kryetarja e kësaj komunë, Mimoza Kusari Lila.

Gjithashtu, edhe në këtë komunë u vlerësua se gjendja e sigurisë është e qetë. Të dy palët u dakorduan që të kenë një bashkëpunim edhe me të ngushtë në mes të komunës së Gjakovës dhe institucioneve të sigurisë, me qëllim të ofrimit të sigurisë për qytetarët.

“Rreziku më i madh që i kanoset këtij vendi është injorimi i problemeve dhe përpjekja për t’i kamufluar ato. Duhet më shumë punë nga të gjithë ne, në mënyrë që të konsolidojmë shtetin”, deklaroi ministri Hyseni në këtë takim.

Gjatë vizitës në Gjakovë, ministri Hyseni u takua me Këshillin Komunal për Siguri në Bashkësi, ku nga përfaqësuesit e këtij Këshilli kërkoi që të jenë sa më të vëmendshëm në adresimin e shqetësimeve të ndryshme që mund të kenë komunitetet e ndryshme në këtë komunë, duke pohuar së më mirë është të parandalohen sesa të luftohen pasojat.

Komento

500 Karakteriniz kaldi

Rregullat për komente

  1. Ju lutemi që të bëni përpjekje që komenti i juaj të përkoj me artikullin në fjalë.
  2. Gjatë komentimit ju lutemi që ti kushtoni kujdes edhe drejtshkrimit dhe gjuhës letrare.
  3. Gjithmonë mundohuni që të përdorni një stil më të butë.
  4. Nëse nuk i përmbaheni rregullave të sipërpërmendura atëherë redaktori i ueb faqes ka të drejtë që të mos e botoj komentin tuaj.