Jahjaga takoi në Nju Jork përfaqësuesit e Fondit Global

Presidentja e Republikës së Kosovës, Atifete Jahjaga, takoi në Nju Jork përfaqësuesit e Fondit Global për Angazhim të Komunitetit dhe Rimëkëmbje (GCERF), Carol Bellamy, udhëheqëse e Bordit dhe Khalid Koser, drejtor ekzekutiv i fondit, ku diskutoinë lidhje me përfshirjen e Kosovës në nismat e kësaj organizate për të çrrënjosur ekstremizmin dhe parandaluar radikalizimin.

Jahjaga u shpreh e kënaqur me vendimin e Fondit Global që në dhjetor të këtij viti të formalizojë përfshirjen e Kosovës si njërin nga pesë shtetet që do të përfitojnë nga fondi prej 25 milionë eurove për nisma dhe projekte që për qëllim kanë parandalimin e radikalizimit dhe ekstremizmit të dhunshëm.

Ndër të tjera ajo theksoi se është lajm i mirë që Kosova ka përmbushur kriteret e kërkuara për t'u bërë një nga pesë shtetet në botë që përfitojnë nga nismat e fondit në këtë fazë dhe mirëpret vizitën e përfaqësuesve të kësaj organizate shumë shpejt në Kosovë.

Ky takim është pjesë e takimeve që presidentja ka zhvilluar me përfaqësuesit e kësaj organizate këtë vit në Gjenevë. Zyra e Presidentes ka komunikuar vazhdimisht me GCERF për përfshirjen e Kosovës në sfondin e saj.

Fondi Global për Angazhim të Komunitetit dhe Rimëkëmbjes ka selinë në Gjenevë dhe është themeluar si përpjekje globale përmes partneritetit publiko-privat, në bashkëpunim me qeveritë, shoqërinë civile dhe sektorin privat, për të mbështetur përpjekjet e shteteve për të adresuar ekstremizmin e dhunshëm dhe radikalizimin. /albeu.com/

E-mailSavePrintPdfComments: 0

Komento

EmriE-mail

Shkruaj kodin

Komenti500 Karakteriniz kaldi

Rregullat për komente

1. Ju lutemi që të bëni përpjekje që komenti i juaj të përkoj me artikullin në fjalë.
2. Gjatë komentimit ju lutemi që ti kushtoni kujdes edhe drejtshkrimit dhe gjuhës letrare.
3. Gjithmonë mundohuni që të përdorni një stil më të butë.
4. Nëse nuk i përmbaheni rregullave të sipërpërmendura atëherë redaktori i ueb faqes ka të drejtë që të mos e botoj komentin tuaj.